Орос Украины мөргөлдөөн эхлээд яг нэг сар боллоо. НАТО-гийн цэргийн ахлах офицер Оросын талаас амссан хохирлын талаар өнөө өглөө анх удаа мэдээлэв. Тэдний тооцоолсноор, ОХУ нэг сарын хугацаанд 30 000-40 000 хүний хохирол амссан бөгөөд үүнээс 7000-15 000 нь нас баржээ. Харин үлдсэн нь шархадсан, олзлогдсон, сураггүй алга болсон хүмүүс аж.  Амь үрэгдэгсдийн тоог Украины Засгийн газрын мэдээлэл, ОХУ-аас өгсөн мэдээлэл, нээлттэй эх сурвалжийн мэдээлэлд үндэслэн тооцоолсон гэжээ.

АНУ-ын засгийн газар Орос, Украины хохирлын талаар олон нийтэд мэдээлэхээс үндсэндээ зайлсхийж буй. Учир нь тус улсын Засгийн газарт очиж буй мэдээлэл найдвартай, эсэх нь эргэлзээтэй гэж үзэж байгаа аж.

Эх сурвалж: Associated Press